fjola.net

Alltaf þegar ég fæ bréf frá bresku sérkennarasamtökunum byrja þau á því að ávarpa mig eins og ég sé þeirra aðal félagsmaður.  Gaman að þessu, en það er reyndar til þess að ég glenni upp augun og les tölvupóstinn allt til enda. Núna var erindi þeirra að minn á að næsta svokallaða praktíska samkoma þeirra verður í mars 2008. Ég hef einu sinni farið á slíka samkomu og líkaði mjög vel. Þeir eru góðir í þessu Bretarnir að safna saman fólki sem er að gera góða hluti og láta það segja frá því sem hefur gefst vel . Ég hef kynnst nokkrum sérkennurum á þennan hátt og skiptist á tölvupósti við þá um ýmislegt sem snertir starf okkar sem sérkennarar. 

Ég nenni ekki að þýða þetta síðasta bréf en ef þið sem þetta lesið hafið áhuga þá birti ég það hér í heild.

Menntamálaráðherra kynnti í nóvember tvö ný verkefni sem ráðuneytið kemur að og eru öllum aðgengileg á netinu. Um er að ræða annars vegar vefinn LesVefurinn um læsi og lestrarerfiðleika og hins vegar vefinn Vefþulan.  Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá.

BETT tölvusýningin verður haldin í London dagana 9. - 13. janúar og verður Úrval-Útsýn í samvinnu við Nýherja með skipulagða ferð á sýninguna eins og undanfarin ár. Flogið verður með Icelandair, miðvikudaginn 9. janúar og heim aftur sunnudaginn 13. janúar.

Ferð á Bett er orðin klassík og eykst aðsókn í ferðina á hverju ári. Það er í sjálfu sér ekkert skrýtið þar sem uppskriftin er einföld ; góð ferð í góðum hópi ,á góða og yfirgripsmikla sýningu á frábærum stað þar sem mannlífið getur ekki verið litríkara.

Nánari upplýsingar varðandi dagskrá sýningarinnar og forskráningu má sjá á eftirfarandi heimasíðu Bett : www.bettshow.com.

Hér má lesa það sem ég skrifaði um ferð mína og Ingibjargar Ólafsdóttur eftir ferð okkar á BETT 2007.